Pagina:Apologie van Pr Willem I van 1580.pdf/113

):[ 111 ]:(

bloet der arme luyden leven, hebben van over langhen tijdt den staet van hare dieverijen ende rchattinghen alsoo ghemaekt, datse scheen dese hare diefte van de ghemeyne goeden hen alsoo goet ende seker incommen te wesen, selfs veel vruchtbarer ende nutter als t'ghene datse van haren vaderlicken ofte gheerfden goede zijn ontfanghende: daer beneven verswijghende haren Vorsten de oorsake alles quaedts, ende met loghenachtich voorgheven vleyende ende smeeckende sy soecken eenighen schijn ofte decksel, d'welcke sy voorwenden om der voorsz. Vorsten herten tegen hare onderdanen te ontsteken ende te verbitteren. Wy hebben selve, mijne Heeren, hare daden ende handelinghen ghesien: wy hebben hare propoosten ghehoort: wy zijn de ghetuyghen van 't ghene dat sy geadviseert hebben, doe sy ulieden alle ter doot waren verwijsende, ende niet meer wercks van ulieden en maeckten dan van beesten, haddense maer slechts de macht ghehadt om ulieder insghelijcks te vermoorden, alsoose in Indien ghedaen hebben, ende noch daghelicks doen, daerse meer dan twintich milioenen, ofte twee hondertmael hondert duysent persoonen hebben jammerlick om den hals gebracht, ende dertichmael meer landts verdorven ende wtgheroeyt, dan dese Nederlan-