geerne gedaen hebben. Maer so nu de gene, die onder allen menschen meest verbonden is zijnen goeden name ende fame billichlick voor te staen, comt ons van ondanckbaerheyt beschuldigben, als dat wy niet en souden erkent hebben de weldaden die hy seght dat wy van den Keyser ontfanghen hebben : Soo bidden ende versoecken wy, dat ghy ons wilt te goede houden, soo wy tot onser ontschuldinghe moeten verclaren, belangende de voorsz. weldaden dat wy niet en weten eenige van hem ontfangen te hebben : maer wel ter contrarien, dat wy hem dienst doende groote merckelicke schade ende verlies daer by hebben gehadt, alsoo ghy t'selve claerlick sult vernemen, soo ulieden belieft ons met ghedult te hooren.
Soo wilt hy dan segghen: dat de Keyser ons jonslichlick heest ghehandelt ende ghetracteert, om ons te doen commen tot de successie van wijlen mijn Heere de Prince René onsen neve. Maer waer in doch? Want eerstelick en was noyt eenich Heere so qualick bedacht, die om de selve soude hebben willen tegen ons twisten, oft hem daer teghen partije maecken. Daerom als de Keyser ons de voorsz. successie heest laten volghen, sonder ons eenich letsel oste hinder-
