Pagina:Apologie van Pr Willem I van 1580.pdf/65

):[ 63 ]:(

oock dueren de teeckenen van de vrome feyten onser voor-ouderen, ende dat heerlick ghetuyghenis dat hen van den Coninck van Hongherijen ghegheven is. Maer alsoo onse voorsaten soo edel zijn gheweest, ende door de ghenade Godes, metgaders haerlieder goet regiment ende huys-houden, ooc daer beneven niet arm en waren, soo en hebben sy van dese Landtvorsten noyt niet gheeyscht, oock en hebben sy van den selven noyt gheen gratuiteyt ontfangen, na dat sy wel verdient hadden: daer nochtans de Keyserlicke croone ten minsten wel eenighe recompense was vereyechende. Wel is waer, dat de successie van Chalon ende des Vorstendoms van Orangien is een groot aenwas ende vermeerderinghe van onsen huyse gheweeft. Masr so wy dieshalven in yemandt ghehouden zijn, dan is voorwaer den Coninck Francoys den eersten des naems, die aen mijn Heere den Grave Heyndrick onsen-ooms ten houwelic gaf de suster van mijn Heere de Prince Philibert, dochter van mijn Heere de Prince Jan, de welcke opghetrocken hadde geweest by de Coninginne Anne, des voorschreven Conincks schoonmoeder, ende van de welcke de voorschreven Princesse de nichte was. Aenmerckt nu hier, mijne Heeren, den grooten onderscheyt die in desen