ghevalle hem verthoont. De Keyser heeft zijn croone ontfanghen door den arbeyt ende moeyte van onsen oom, ende en heeft hem gheen danckhaerheyt bewesen: ende ter contrarien, den Coninck Francoys, die wel wiste wat de voorschreven Heere gedaen hadde voor den ghenen die om t'selve was doende daer hy naestondt, en laet daerom niet hen ten houwelicke te gheven deze Princesse toecomende erfghename van haren broeder mijn Heer de Prince Philibert: daer mede te kennen ghevende de voorsz. Coninck, dat hy den selven gheenen ondanck en wiste, die hem soo standtvastelick over die zijde hieldt, aen de welcke, hy hem eens ghevoecht hadde, aoo dat wy t'selfde wel moghen van hem seggen dat de histori-schrijvers van zijnen tijden gheseyt hebben dat hy een edel ende milde Vorst van herten was.
Ende of schoon de Keyser ter ghedachtenisse van den Prince René, achtervolghende zijnen wtersten wille ofte testament, eenighe buyten ordinarise weldaet, ofte yet bysonderlinghe privilegie verwilliger ofte toeghelaten hadde soude dat nochcans wel een ghenoechsame recompense wesen voor soo ghetrouwe ende voornemelicke diensten van soo vroom ende cloeck een Vorst, die met macht ende ghewelt van wapenen niet al-
