religie ende consciencie, hebben versocht ende gebeden onsen lieven ende wel beminden broedere Lodowyc, grave van Nassou, om, met hem nemende zulck ghetal van crysknechten als hy bevinden zal te behoeven, om te werstaen ’tghuene voerscreven es, ende wes daeran hanght, hem gheven daertoe macht ende auctoriteyt, ende, naer dien hy metter hulpe Godts den aenslach die by tot desen dienende voor handen heeft volbracht zal hebben, noch te lichte ende an te nemen tot zynder meerder versekerheyt alzulcke ander ghetal van cnechten als hem daertoe noch behoeven zal, dwelck hy, tot onse begheerte, ende met liefde ende affectie die hy heeft totte coninc ende zynen Nederlanden, anghenomen heeft. Versouckende daeromme een yeghelick, hem in ’tghuene voorscreve ende dat daeran hanght, die te doene ende gheve alle jonste, hulpe ende assistentie, als hy ten dienste van Zynder Majesteyt, haer eyghen welvaren ende van haer vaderlant ghehouden zyn te doene, dwele wy in tyde ende wylen gheerne weder bekenne zullen, als ghedaen hebben onse eyghene persoene. Des t’oorconde, hebben wy onsen naeme hieronder ghestelt, ende onsen secreten zeghel daer beneffens doen drucken.
« Ghegheven tot Dilleborch, up den 6en aprilis in ’ t jaer Ons Heeren 1568. »
