beloften, zonder dat zy hemlieden eenichsins zouden laeten assubjecteren ofte eenighe alliance maken met onse ghemeene vianden van ouden tyden, namelick de Françoisen. Zyne Alteze heeft eenighe van dezelve briefven ten dien regarde ghezonden an zynen broedere den coninck van Vranckrycke, ten fyne hy vuyt dezelve woorden zoude te beter moghen speuren de groote viantscap van de Spacngiaerden an de fransche natie. Wy zouden ulieder E. daerof ghezonden hebben de copie ; nemaer alzoo wy bedincken dat den viant ghelick grootencssen ende briefven an ulieder E., als wezende hemlieden naerst gheleghen, zal ghezonden hebben, des oorzake gheweest dat wy daerof ghediffereert hebben. Wy zenden ulieder E. het extraict van zckcr resolutie ghenomen by de generaele staeten, up den xxviijen dezer maendt, nopende de continuatie van den landraet, hebbende, by ulieder E. laste, voor den resterenden tyt van vier maenden daerinne ghecontinueert monsr Van den Ryve: laetende ter discrctie van ulieder E. de denominatie van zulck personnaige, als dezelve zal bevinden bequame te wezen tot het bedienen van den voorseiden staet naer het expireren van de voorseide vier maenden.
Men heeft alhier woensdaghe laetsleden ghejusticieert den cassier van Gaspar d’Aniastro, oudt wezende van ontrent xx jaeren, ende eenen pape dic by de papisten groet credit hadde ende zeere gheacht was; zy waeren beede an een stake up den Maert verworcht ende daernaer ghequartiert, ter oorzake dat den cassier verkende wel gheweten te hebben van het voornemen van het faict ende ghewelt ghedaen up den persoon van Zynder Excellencie, ende den pape beleet dat den facteur an denzelven pape te biechte gheweest hadde, ende ten sacramente ‘tzelve zyn voornemen hem te kennen ghevende, daerof hy denzelven zoude absolutie ghegheven hebben..... Vuyt Andwerpen, dezen xxixen martii xve lxxxij.
