(Gode lof) nu ter tyt redelick wel ghedisponeert es : hopende, dat jeghens den sondach naerstcommende, zal in der ghemente het nachtmael des Heeren ontfanghen........ Vuyt Andwerpen, desen xijen aprilis xvelxxxij.
VIII.
Edele, weerde, wyse ende zeer discrete heeren,....... wy niet en connen anderwarf ulieder E. te verwetighen van de goede dispositie van Zynder Excellencie den prince van Oraingien, denwelcken, niet jegenstaende als hedent xiiij daghen duer het openbreken van eenen adere in zynen hals ghebloet hadde duer denzelven wel xliiij oncen bloets, ende alzoo, zelfs ten jugemente van de medecynen , buyten alle hope was van eenighe beteringhe ofte convalescentie, duer het werck des Heeren zoo miraculeuselick verlost es gheweest, in zulcke voughen dat Zyne voorseide Excellencie als hedent opghestaen ende ghecleet es geweest : hopende dat dezelve, als nu buyten pericle wezende, zal moghen compareren ten palayse van Zyne Alteze binnen viij zo x daeghen, waerof wy alleenlick God almachtich hebben te dancken ende loven...... Vuyt Andwerpen, desen xven aprilis xve lxxxij.
D.
Van dat Marten Verhaecht, harnas-maeckere, geboren van
Antwerpen, by desen scouteth gevanghen genomen was, om des-