-- 45 « Les estatz généraulx, ayans depuis quelques jours veu et leu une proscription publiée par les ennemis contre la per- sonne de Vostre Excellence, par laquelle ilz imposent à icelle des crimes énormes, essaians la rendre odieuse , comme si , par moiens illégitimes et voyes sinistres, elle auroit usurpé le lieu et degré auquel elle est constituée, et de exposer sa per- sonne en proye, et luy oster son honneur , et ayant veu pareil- lement la Défense proposée par Vostre Excellence contre ladicte proscription , trouvent, par la vérité de ce que s'est passé en ces pays, et que à chascun d'eulx en son endroict est cognu et manifeste, lesdicts crimes et blasmes avoir esté à tort imposez à icelle, et, quant aux cherges, tant de lieutenant général que des gouvernemens particuliers, après avoir esté légitimement choisi et esleu, ne les avoir accepté, sinon à noz instantes requestes , ésquelles auroit aussy continué à noz prières , et avecq entier contentement et satisfaction du pays ; et le sup- plient encoires lesdicts estatz y vouloir continuer, luy pro- mectant toute ayde et assistence, sans espargner aulcuns de leurs moyens , et de luy rendre prompte obéissance. Et, d'au- tant qu'ilz cognoissent les services fidelz renduz par Vostre Excellence à ces pays, et ceulx qu'ilz espèrent encores à l'ad- venir, ilz luy offrent, pour l'asseurance de sa personne, une compaignie de gens à cheval pour sa garde, le suppliant l'ac- cepter de la part de ceulx qui se sentent obligez à la conser- vation d'icelle. Et, en tant que touche lesdicts estatz , qui se treuvent aussy chergez par ladicte proscription , ilz entendent de brieff aussy se justifier , ainsy qu'ilz trouveront convenir . » DEN 19en DECEMBRIS 1580. De heeren gedeputeerden van Gelderlant hebben verclaert dat sy, volgende d'instructie die sy van hunne principalen syn hebbende , ende by hen in dese vergaderinge geexhibeert es,
Pagina:Correspondance de Guillaume le Taciturne, prince d’Orange, 1857.djvu/229
Deze pagina is niet proefgelezen
![](http://upload.wikimedia.org/wikipedia/commons/thumb/4/4a/Correspondance_de_Guillaume_le_Taciturne%2C_prince_d%E2%80%99Orange%2C_1857.djvu/page229-1024px-Correspondance_de_Guillaume_le_Taciturne%2C_prince_d%E2%80%99Orange%2C_1857.djvu.jpg)