Pagina:Correspondance de Guillaume le Taciturne, prince d’Orange, 1857.djvu/269

83- trecken , heeft hy Jauregui voirseid , met een cleyn pistolet- ken , Syne Excellentie verradelyck door zyn hooft geschoten , zulex dat deselve daeraff ontwyffelyck soude moeten gestorven hebben, indyen ' t Godt nyet verhuet en hadde ; dat oyck hy Anthonio voirseid, den voirseiden aenslach aengaende, zoo wel metten voirseiden Jauregui als Annastro , verscheyden communicatien gehadt hadde, ende Annastro hun beyde be- loeft hadde voor zyn kinderen te houden , ende dat hy nyet eygens en soude hebben, zoo verre sy ' t voirseide feyt tot effecte consten gebrenghen ; hebbende oyck, naer 't voirseide vertreck van den voirseiden Annastro , van denzelven brieven ontfanghen gehadt, zoo van Bruggge als elders, daerby den- selven hem was recommanderende dat d'effect van den voir- seiden aenslach by den voirseiden Jauregui zouden moghen wordden te wercke gebrocht, ende hem oyck adviserende dat het sekerste soude wesen ' tselve te volbrenghen met eenen pistolette; welcke brieven hy Anthonio den voirseiden Jauregui oyck gecommuniceert hadde , ende denselven alsoo verwect in ' t effectueren van de voirscide detestable ende moordadige resolutie, sonder yet van 'tgene des voirseid is aengegeven oft geopenbaert te hebbene, gelyck hy behoorde ende gehouden was te doene, op dat sulcken enorm, schrickelyck ende aff- grysselyck feyt hadde mogen wordden verhuet , daeraene de welvaert der voirseide stadt van Antwerpen ende de gemeyne saecke was hangende , maer als mede-autheur, facteur ende participant al heeft verswegen : synde alsoo vervallen in de pene van crimen assasinatus , gelyck ende als denghenen zelve die 't. voirseid feyt metter daet naer syn vuyterste ende beste vermoghen volbracht heeft ; is over sulcx, op ten xxvijen meerte anno xv lxxxij , gecondempneert ende t'sanderdaechs daernae op te Merct voor 't stadthuys bynnen Antwerpen voir- seid aen eenen stake geworcht, ende daernaer gevierendeelt geweest, ende deselve vierendeelen voorts gevuert ende aen