319 De ghemeene ghezworenen van den ambachte van de we- verie , ghehoort hebbende d'openinghe ende propositie van weghen myne heeren scepenen van beede de bancken , metgha- ders beede de stadthouders van de heuverdekenen , ter verga- deringhe van den breeden raedt deser stede van Ghendt , als hedent ghedaen ende voorenghehouden , ende daeruppe ghe- let, zyn van den advyse , ende hebben gheresolveert, voor zoo vele als ' t hemlieden belanct ende angaet, dat men de ghede- puteerde t'hove zynde , over ' t let ende quartier van Ghendt , vulcommelic authorisere ende machtich make omme , als pe- ters ende ghetuughen ten doope van der jeghenwoordighe ende laetste dochtere van der Extie van myn heere den prince van Oraignen , lieutenant general, etc. , ende gouverneur van Vlaendren , in eeuwighe ghedinckenisse , ten proffyte van dezelve dochtere te presenteren , over de generaliteyt van Vlaendren voornoemt, eene rente van drye duusent guldenen ts'jaers, den pennine zesthiene , met clausule van retourre, te wetene, indien de voorseyde dochtere gheraect aflivich te wor- den, zonder wet telie hoyr van heuren lichame te procreerene , dat dezelve rente wederomme keeren ende vallen zal in den boesem van de vier leden ' slandts van Vlaendren. Actum ende aldus gheresolveert up S'-Joorishuus binnen de voorseyde stede van Ghendt , den xvijen octobris xvo lxxix . Geteekend J. DE BUCK .
Originaux, aux Archives de la ville de Gand.
