4
gheplundert ende verbrant, waer ouer den Graeff van Bucquoy op is ghetrocken naer den Vyant, ende by hem heeft ses stucken Gheschuts, schietende ysers van 34. ende 40. pont swaer.
Voorleden weke hebben de Walen den Heer Hermhart Jorgeren 2. schoone kasteelen afghenomen ende gheplundert.
Aengaende de Hunghersche Tractatie ende Vredehandelinghe tot Presburg, met Bethlin Gabor, diemen daer soude doen is noch onwetens, want des Keysers Commissarissen hier noch niet gearriveert en waren, zijne Keyserlijcke Majesteydt is noch hier men vermeynt hy naer Gratz soude verreysen.
Den Vice Roy van Napels Sone, die Generael ouer dat Italiaensche volck is, heeft by den Keyser Audientz ghehadt, hy wert heerlijck onthaelt, ende heeft by den Ambassadeur vanden Coninc van Spagnien aen de Tafel gheseten.
Voor weynich daghen heeft den Vyant van des Marckgrauen van Anspachs volck, dat Clooster Swartsach meynen in te nemen maer sijn daer af gheuaghen vande Wirtzbourghsche Ruyters, soo datter ouer de 50. doot bleuen ligghen.
Den xvi. Februarij is beschreuen tot Herbipoli oft Wirtzburg eenen Generalen Rijckxdach, waer dat de Catholijcke Vorsten ende Princen sullen vergaderen,
