6
Den Bethlin Gabor bevindt sich noch tot Presburg, men verhoopt eenen Vrede, ende stilstand van wapenen, waer ouer den Transilvaen Bethlin Gabor wederom naer Zevenburghen soude vertrecken.
Wt Weenen.
Hier is adviso comen, als dat den Catholijcken Coninck van Spagnien aen onsen Keyser heeft gesonden met een Extraordinaris Courier dry Millioenen Gouts tot den Oorlooch, ende is hier ghearriveert, ende hy was door Brussel ghepasseert den 26. Januarij.
Die van Budweys zijn wederom wt ghevallen, ende hebben vanden Vyant xxvi. waghens met alderhande goederen gheladen genomen, ende hebben gherooft ende gheplundert tot Wodian ende Wittengauw toe, waer ouer de Boheemsche de passagien soecken te besetten.
wt Praghe.
Men is hier int werck om een groote somme gelts op te brengen om de Soldaten te betalen, ende af te dancken, dan sullense wederom eenen anderen Eede doen aen den Nieuwen Boheemschen Coninck.
Den gepretendeerden Boheemschen Coninc verstaen hebbende het secours dagelijcx is comende voor den Keyser, heeft ordre ghegeuen aen de Heeren Generael vanden Legher, met gheheele macht vanden
