5
en willen teghen den keysers volck niet slaen oft vechten, dan willen gheldt hebben ende betalinghe oft datmense eenighe Catholijcke plaetsen tot roof ende prijs gheven soude, ist datse die crijgen conden.
Hier is eene Patente uut ghegheven voor den Her Graf van Mans-velt, om een regiment voetknechten aen te nemen, op den name ende betalinge vanden gepretendeerden Boheemschen Coninck, waer om men hier opentlijck de trommel slaet.
Uut Moravien. 1620.
Men verstaet hier dat die Vorsten ende Standen in Slesien, oock hare leste vergaderinge gehouden ende besloten hebben.
1. Ten eersten, hoe datmen ende in wat manieren den nieuwen Coninck by aenneminghe ontfanghen sal.
2. Hoe verre, breet ende wijdt men met de Hunghersche sal tracteren.
3. Door wat middel men eene groote somme gheldts by een soude crijghen, ende dat te continueren tot den krijch.
4. Hoe datmen de aenghenomen oorloghe ende defensie, met weynich beswaernisse ende schattinge vande arme onderdanen continueren mochte.
Uut Praghe.
Hier zijn ghecommitteert op de byeen-compste
