6
ende vergaderinghe tot Lipzig te senden, den herr Graff Joachem Albin Schlick, Herr Henrich van Bulau, Martin Fruwein, und Doct. Georg Friderich, om daer hare uutsprake te doen.
Bethlin Gabor en is noch niet gecroont, wy verstaen dat Gabor van Pres-burgh naer Cassauw op den Landt-dach vertrocken is, ende heeft de Stadt ende Casteel met volck besedt ghelaten, daer soude tot Cassaw eenen Turckschen ende Poolschen Ambassadeur comen, wat aldaer ghesloten sal worden wilt ons den tijt leeren.
De Boheemsche verstaende het secours dat dagelijckx is comende voor den Keyser, waer van een deel crijschvolck is ghepasseert door Passauw, ende noch alle dage is comende, de welcke vanden Eerts-Hertoch Leopolous willecome worden gheheeten tot Passauw, waer van dat aencomende volck in desen Coninck-rijcke van Bohemen groote schade ende verderf doen, de Boheemsche willen int Passawer Bisbom invallen, t’selve te vier ende zweerde verderven.
Uut Budweysz, verstaetmen hier dat het nieuwe Keysers volck met alderhande vierwerck, ende eenighe stucken Gheschuts, met veel volckx naer Oostenrijck sijn, oft op de Vrystadt soude ghedijen en weetmen niet, men is hier besich om den Oversten
