8
hier stadtlijck in comen, ende heeft des daechs daer naer by zijne Keyserlijcke Mayesteyt Audientie gehadt, ende heeft met den keyser nae middach op de Jacht gheweest.
Men verstaet hier als dat de Rebellen van Bohemen ende Hungharijen, oock der gheincorporeerde Landen souden vereenicht sijn, ende inde Presburghsche by eencomste souden besloten hebben ende by Eedt bevesticht, ende in sonderheydt daer in begrepen dese naervolghende Puncten.
1. Datmen eene Generale deffensie aenstellen soude, de welcke teghen alle vyanden souden strecken, die de eene oft de andere vande Gheconfedereerde Landen aen grijpen wilden, daer toe soude de defensie ghebruyckt worden, ende inden noot soude de eene Provintie de andere te hulpe comen.
2. Soo wie vande Confederatie wijckt, oft teghen de Capitulatie doen wilt, soude van de andere Gheconfedereerde Landen ghedwonghen ende gestraft worden.
3. Niemant en sal, sonder alle der Gheconfedereerde weten ende wille, met gheenen vyandt Vrede tracteren oft sluyten, ende gheen vremde Soldaten passagie gheven.
Die Confederatie soude op eeuwich, ende die Erven ghecontinueert werden.
Dit ist principaelste dat de Rebellen gesloten hebben.
