6
te peerde ghemonstert wt der Drosz, met de welcke den Graeff van Tampier daghelijckx in Moravien vallen wilt ende alles op het wterste verderuen sal, men isser noch daghelijckx ix. duysent te verwachten, t’is een lichtveerdich stoudt volck, die van Moravien ouer Hungheren, Bohemen, is van hare Overste geboden den Keyser te wederstaen, ende nv de ondersaten diveersche klachten ghedaen hebben datmense soude beschermen ende sien dat onmogelijck is, want sy dagelijcks verdoruen worden, willen t’selue niet langher gedooghen, waer af eenen oploop int Lant is comen ende willen haer Overste Heeren selfs doot smijten.
Den Grave van Dampierre heeft desen morghen ghegeuen aende Cosacken elf groote Standaerden van Armosijn van schoone Coleuren, ghemaeckt op de maniere van Polen, daer naer heeftmense wederom ghemonstert, d’welcke goede jnditie is datmense haest aen den man leyden sal. Daer en tusschen is groote fame datter alreede andere 8. Duysent in Moravien ghecomen sijn, onder t’commandement van eenen Prince Cosacki, die eertijdts wt de Ghevanghenisse vanden grooten Turck ghebrocken is, alsoo dat den Palatin mette Gherebellerde haer wel moghen den Heere beuelen ende slecht staen sien.
Den Graue van Bucquoy seyt men dat te Crembs
