6
volckx binnen Budweys is, men verstaedt dat den Generael Bucquoy, van eender zijden met eenen legher sal comen, den Graeff van Tampier ter ander zijden. Den Hertoch van Beyeren lanckx een ander quartier.
Men vreest hier den Hertoch van Saxen seer, want t’sedert voorleden Saterdach tot noch toe heeft den Cheur-Vorst van Saxen zijne Hooft-monsteringhe tot Mulbergh doen doen, aldaer hy xvj. groote stucken Gheschuts heeft doen voeren, ende hadde daer by een 24. duysent mannen, waer van hier niet goets te verwachten en is.
Den 13. Mey is der Herr Camerarius, van hier verreyst int Rijck, voorneemlijck naer den Hertoch van Beyeren, van weghen den Nieuwen ghepretendeerden Coninck, met bericht van zijne Acceptatie vande Croone van Bohemen, ende dat hy vande Standen des Landts daer toe ghekosen was, ende ghedwongen, ende hem seyden de selue Croone van Godes weghen hem toe quam, waer ouer een slecht advijs heeft becomen.
Wt Weenen den 19. Mey 1620.
De nieuwe aencomende Cosagghen verwachtmen hier meer ende meer, sy waren 20. duysent sterck by Moravien, ende zijn ghecomen een partije ouer de Riviere Olmitz, met Vlotten van Boomen ghe-
