5
oock derwaerder vertrocken. De Ambassadeur van Vranckrijck wordt alhier daghelijckx verwacht ende zijn logiment wort alhier ghereet ghemaeckt in het Huys van Losensteyn.
Wt Vlm vanden veerthienden ditto.
De Gevnieerde Vorsten ende Staten en zijn noch niet alle by een, daer is den Hertoghe van Wiertenberch met zijn twee Ghebroeders, den Marckgrave van Ansbach, den Landt-Grave van Hessen, ende eenen Ambassadeur van Vranckrijck, zy maecken goede siere, ende rijden daeghelijckx ter iacht.
Ondertusschen is eenen Capiteyn vanden Marcgrave van Ansbach, de welcke hem al te naer by den Legher vanden Hertoch van Beyeren vertoont heeft doot gheschoten worden.
Wt opper Elsas vanden 17. ditto.
In dit Quartier is het (sedert het lest ghepasseerdt Krijchsvolck) heel stil, de welcke al naer Beyeren getrocken zijn, Ende den Marckgrave van Baden is met zijnen legheren, oock op ghebroken, ende is ontrent dry mylen by Straesborch ghepasseert, ende nemen den wech naer Vlm toe.
Daer is oock tijdinghe, datter daeghelijckx noch 16. duysent mannen te peerde ende te voete verwacht worden die souden wt Bourgoygnien comen, waer van alreets dry duysent ghecomen sijn, ofte zy
