7
Den Grave van Dampier sal met 600. mannen dat Beyersche volck int ghemoet trecken.
Wt Ceulen.
In Switzerlandt staen de saken heel veweyrt, in den voorighen Jare hebben de Calvinisten de Catholijcken in hare vergaderinghe gestoort, ende veel volckx doot gheslaghen, d’welck langhe heeft ghemort ende murmuratie ghemaeckt tot in Julij lestleden, Valtlijn is geheel gherebelleerdt, Worms af ghevallen, ende tot de Banditen ghevoecht, den xix. Julij 1620. tot Tyras ende Baals zijn de Catholische samen ghespannen, ende zijn inder Geusen kercken ghevallen soo sy int Sermoon waren, ende hebbense verjaecht ende ettelijcke doot gheslaghen, sy vatten den Geusen Predicant by den halse ende naeghelden hem met de oore aen de Kerck-deure.
Des smaendaechs smorghens, hebbense oock tot Sonders, Anberch, ende Albaragia, de Geusen verjaecht ende sommighe doot gheslaghen, des dijstdaechs wast ouer al in roeren, de Catholische hebben ouer al de Brugghen af ghesmeten, ende malcanderen belooft by te blijuen, watter voorders naer volghen sal wilt den tijdt leeren.
FINIS.
