7
met Gheschut ende Soldaten.
Den Marquis Spinola heeft inghenomen twee cleyne Stedekens op de cant van den Rhijn, ende die besedt met Garnisoen, d’eene ghenaempt Rectz ende Brabach, toecomende aen den Lantgrave van Hessen.
Men verstaet dat oock t’selve soude gheschiet zijn met Sinte Guwer.
Den Heere van Ansbach een mede van de Rebellen in Palsgraven lant heeft 5. duysent Soldaten gesonden meestendeel Boeren, aen die van Franckfort oftse Garnisoen wilden nemen, teghen de compste van den Marquis, waer ouer die van Francfort t’selve hebben gheweyghert, ende antwoorde gegheven hebben, datse teghen den Keyser niet en wilden rebelleren, dan goede Onderdaenen wesen.
Waer over datse Ghesanten wt gesonden hebben naer zijn Ex. den Marquis Spinola om het hem te spreken, men verstaet dat zijn Excellentie soude willen versekert wesen, oft gheantwoort hebben, dat hy gheenen Entreprise op haerlieden en hadde.
Met den eersten salmen den Leser breeder verclaren van alles watter voorders sal volghen, ende den Nombre van ettelijcke Compagnien Soldaten.
Den xx. Augusti is Don Loys de Valesco vertrocken, ende is gheweest tot Scherpen heuuel, hy was
