4
Marquis was ghelogeert tot Thienen op de Mert in den Reygher oft Oyvaer, Des smorghens heel vroech ten twee uren werden de Trompetten geslaghen tot dry reysen toe, ende waren ghereet des smorghens ten 3. uren, ende doen wederom vertrocken naer Maestricht.
Den 3. Augusti quamen binnen Antwerpen ouer de hondert 30. Leghers waghens, om Cruyt en Loot te laden, waer by des anderen daechs noch 50. by quamen, ende werden alles gheladen met Cruyt ende ysere Ballen, elcken waghen hadde op 7. Tonnen Buspoeyer elck Tonne weghende 180. de sommige 175. oft 170. daer waren ontrent 4. oft 35. Waghens gheladen met ysere Ballen sommighe van 40. pont ysers swaer, 30. ende 25. ponden, dese Ammonitie wert gheladen int Casteel van Antwerpen, ende is vertrocken wt de Stadt den 4. Augusti voor S. Joris poorte naer Mechelen, waer dat eenighe Compagnien tot bewaernisse voor waren ghetrocken, 2. daghen te voren, d’eene Compagnie was fraey voet volck, was de Compagnie van mijn Heere van Wackenee comende wt Vlaenderen, d’andere was de Compagnie van Cappiteyn Tourlant, die anders niet en haecken als vechten, het poeder met de Ammonitie waghens wert gheconvoyeert van een partije Spagniaerden, ende 5. Compagnien Boots-
