5
Hier tot Weenen is gheboden dat hem een yegelijck soude prouideren soo veel alst moghelijc waer, ende versien van Coren, Houdt, Vleesch, ende andere provisie, elck naer zijnen staet.
Men verstaet als dat de Hungheren den xix. Augusti van Bethlehem Gabor voor Coninck souden ghekosen hebben, ende heeft allen de Leen-Heeren doen vermanen met de Hungheren datse hun in die wapenen souden veerdich houden, hy wilde haer Carnten, Crain, Steyr, Gorts, ende andere Quartieren vry geuen tot Roof ende Buet.
Den Cheurvorst van Saxen heeft zijne Ghesanten wederom ghesonden aen de Boheemsche ende andere Rebellen, met Commissie van weghen de Keyserlijcke Majesteyt, datse hun wilden bedencken andermaels om den Keyser te obidieren, ende dat hy volle Commissie hadde om de executie te doen ende dat hun naermaels niet en souden beclaghen, van t’ghene datter naer soude moghen volgen, wildense tot ghehoorsaemheyt verstaen, hy soudese van weghen de Keyserlijcke Majesteyt in ghenade ontfanghen, ende als eenen Vader des Vaderlants ontfanghen, soo niet, moesten met der hulpe van Godts haer met ghewelt aen tasten.
Den 28. Augusti is tot Praghe gepubliceert door het gansche landt te houden eenen generaelen Bid-
