4
diveersche plaetsen Graen ende andere saecken toeghevoert. De Fransche Ambassade heeft van hare Keyserlijcke Majesteyt afscheydt ghenomen, ende men heeft hem twee schoone Spaensche peerden gheschoncken.
Voorders hoe wel men hadde ghemeynt, dat den Hertoch van Beyeren met zijn volc dat noch 18000. mannen sterck is, van Freystadt strackx naer Praghe soude trecken, en heeft sulcx sonder perijckel niet connen gheschieden, om t’gheberchte wil, ende den vyant den Graue van Mansveldt ende den Grave van Turen hen met 12000. mannen vinden ontrent Budweys ende willen de passagie occuperen, so datmen met het Gheschudt ende Ammonitie niet wel voorts en kan ghecomen, daeromme is zijne Hoocheyt met sijn volck naer Zwettel ghetrocken, om t’samen met den Grave van Bucquoy in Bohemen te vallen, ende die tot ghehoorsaemheyt te brenghen, waer ouer wy voorts trecken, daer teghen stercken hen de Bohemen, met hulpe der Hongeren, Slesinghers ende Meyerische Rebellen.
Wt Preslau den 7. September.
Daer sijn ontrent twintich Dorpen in Lamberg ende Buntzlischen quartier, wt oorsaecke vande seer groote ende excessiue schattingen ofte exacten op gestaen, ende gherebelleert teghen de Bohemen, ende
