6
resterende Beyersche volck beneffens de Wiertzborchsche, wesende inde 20. duysent mannen sterc op Pilsen toe trecken, om eenighe interprinse voor te nemen: Daeromme soo is den Grave van Mansveldt derrewaerts ghetrocken om sulcx te verhoeden: ende men wilt segghen datter eenen grooten schermutzel soude gheschiet wesen, soo dat op onse zijde de Hertoghe van Wijnmaer doodelijck soude verwont wesen, ende op de Beyersche zijde eenen Ritmeester met eenighe Ruyters doot ghebleuen, souden wesen. Interim doen die van Budweys groote schaede maecken hun meester van veele stedekens.
Wt Lyptzich vanden 10. ditto.
Wt den Velt-legher van Buddissin kompt seecker tijdinghe dat die van Goertz een deel waghens met Krijchs-rustinghe ende prouande naer’t Legher tot Buddissin, hebben willen voeren, ende zijn van Hoptman Goldtsteyns Regiment oueruallen, veel doot gheslaghen, ende ghevanghen geworden, ende mette waghens int Ceurvorstelijcke leger gebraght alsoo dat nu met de Stadt op het wterste is, want sy groot gebrec hebben van Cruyt, Loot, ende Sout, ondertusschen hebben sy een Clooster met veel Edelen, aenden Keurvorst ouer ghegheuen, ende zijn in ghenadighe bescherminghe ontfanghen.
Het legher van haere Keurvorstelijcke ghenaden
