20.
vermindert, ende de vreese vande Nassoussche ofte Engelsche flauernije vele sorchfuldich ende perpleckst maeckt, hierom siense soo gaeren heel Duytslandt in roeren.
T’ghene dat wy tot noch toe gheseyt hebben beuestigen de Vorsten met de welcke zy handelen, ende de pracktijcke die haere Raedts-Heeren ghebruycken. Want die van groote saecken belegh hebben inde Hoouen der Princen, pleghen de Vorstdommen teghens te zijn, prijsende ende groot achtende het Gouuernement van veele. Hier we sien wy wt de Republijcke steden vele ghemeyne Burgers comen tot groote digniteyten, ende naer den seluen voortganck hare Orderlinghe raden bestiert werden. Dese erghlisticheyt is voor den dach ghecomen in t’iaer negentich als by die van Heydelberch eenighe Wtheemsche Rebellen ende Muyt-maeckers voorghestelt zijn gheweest, de Grauen ende Adel des Landts, als de vreemde meer gheeert ende fauoriseert wierden by eenighe onbeiaerighe Princen dan de Burghers ende Inwoonders, alsoo dat het een ghemeen ghebruyck is alderhande Vorsten, Raets-Heeren tot haer te verbinden om die te doen verstaen tgene tot gemeyne Weluaren van t’Nederlandt soude schijnen te dienen.
Voorts met alle manieren soecken in alle Houen in te dringhen een deurtrapte soorte van menschen, iae ongeregierbaer, diemen noemt Puriteynen. Dat sy sulckx zijn de Catholijcken, Lutheranen, Ghereformeerde, iae den Coninck van Enghelandt seluer betuyght. Dese ghelijckse alle Kerckelijcke wetten ende Discipline verwerpen soo zijnse oock ghesworen vyanden vande Monarchien ende Vorstdommen, van dese staet de Coninghen aldermeest te wachten die deur haer moet-willicheyt oock de Hollanders ghedwonghen hebben in de Dordtsche Synode de weder partije wt te sluyten.
Ten laesten haere maniere van doen is sulckx dat een hoe wel gestelden Rijck, ende met alle middelen beuestight teghelijck door haer vernielt ende verdoruen kan worden, want dry Cartouwen ende Muerbreeckers zijnder met de welcke de Fundamenten vande Monarchien zy soecken te breecken ende ruineren, als lasteringhe met de welcke zy de Princen inden haet benghen. Oproeringhe die zy
