6
Palassi voort ghebrocht ende gethoont eenige Originale Brieven, soo wel van wijlen haere Keyserlijcke Majesteyt Hoochloffelijcker ghedachten, als vande teghenwoordighe Keyserlijcke Majesteyt. Dat zijne Majesteyts krijsch-volck ooc alreede, soo wel vant’ krijsch-volck der Ghevnieerder Provintien, als van Betlehem Gabors, sterckelijc gheslaghen was gheweest, sulcx datter luttel waeren ouerghebleuen. Dat ooc die van Hongharijen, bevindende datse aender poorten grootelijcx waeren verobligeert, aende selue henne ghetrouwichheyt te bewijsen, dat sy int volbrenghen van dien door de Tyrannye des Huys Oostenrijckx van ouer vele Jaeren herwaerts waeren verhindert ende ghestoort, soo sy t’selue nv zijn Remonstrerende, Ende datse den Soudaen den wech willen aenden seluen openen, tot vele andere Landen die hy is haetende (daer mede sy, beneffens Hooch-Duytschlandt, oock Italien ende Polen meynen.) Soo haest als nv Corlati ende Palassi van daer met goede Antwoorde gheexpedieert ende wt ghecomen waeren. Soo zijnder wederom besondere ende Extraordinarische Ambassadeurs der voorgheruerder Landtschappen aender voornoemder Poorten ghecomen, ghelijc oock den voorschreuen Corlati vande selue Landtschappen Credens Brieuen by hem hadde, ende oft hy nv inden
