6
volck. Ende daer en bouen, hebben hun oock onderstaen, ons keyserlijck krijsch-volck de passagie te weygheren ende beletten, Trachtende alsoo met allen middel onse Coninck-rijcken ende Erff-landen met ghewelt, teghens Godt ende alle recht ende reden te Incorporeren, ende afhendich te maecken. Alsoo dat wy ghenoechsame ende Wettighe reden hebben teghens de ghene, die hun aen des Rijckx Constitutie ende daer inne ghefondeerde ons ernstelijck Ghebodt ouertreden, ghelijckerwijs mette Declaratie ende Executie voorts te varen, ghelijck sulckx inde ghemeyne rechten, ende des Rijcx Constitutie, ende instellinghen, den Hoochbedierden Landt-Vrede, ende de selue verclaringhen Anno 59. ende 64. Ende voorts teghens de ghene de welcke teghens de Keyserlijcke Hoocheydt, voor der seluer Vyanden hulp doen, ghedisponeert ende voorsien is soo hebben nochtans tot een ouer-Coren, onse aengheborene goetheyt ende langmoedicheyt, den ernst ende scherpe noch ter tijdt, achter houden willen, vermanen ende bevelen dien volghende, alle te samen ende eenen yeghelijcken bysonder hier mede noch eens ende voor alle, op de pene vande voorschreuen Declaratie, Executie ende straffe die inde meer gheruerde Rijckx Ordonnantie op sulcken Feyten gheordonneert zijn, en zijn oock niet van meyninghe
