4
Daer sijn twee Ruyters gheweest, waer van den eenen een Napolitaen was, de welcke op de Pickoree geloopen waren, ende comende int quartier werden strackx Ghevanghen van den Gheweldighen Provoost, ende wildense strackx op hanghen, daer wert verghiffenisse voor gebeden, maer en was niet, ten lesten door veel biddens, moesten spelen wie dat van beyden hangen soude, ende wierpen met Teerlinghen, die de minste ooghen wierp moesten en hanghen.Den eersten wierp met de Teerlinghen 7. ooghen. Den tweeden wierp met de Teerlingen ende door mal Fortune, int worpen spronck den eenen Teerlinck op den anderen, waer ouer op den oppersten steen stont 5. ooghen, ende den Provoost den steen af nemende soo stonter maer op den ondersten steen een ooghe, maeckende t’samen ses ooghen ende hy moesten met ses ooghen te worpen hangen, d’welcke strackx ghebeurde, ende den anderen was vry, die ghehanghen werdt met Leersen en Sporen was een fraey lanck man, een Napolitaen.
Des smaendaechs op den middach 7. September wasser een Bevelhebber, onder M. Jean de Carondelet Seigneur de Bremecq Capitaine d’vne Compagnie d’Arquebusiers a Cheval, par le seruice de sa Majeste Catholique, et de leurs Altezes Serenissimes, etc. den welcken Cappiteyn verlof gaf voor
