17 17 Item wie duck? und wanneer ſie moeten then dantz khomen? und off dat thot alle weecke? und op einen naemkundig besonderen dach geschiet, oder niet?
18 Item off niet int jair etzliche beſondere grote dantzen, thot wat tyde, und wie duck sie gehalden wurden.
19 Off niet op itzvermelte grote dantzen der duyvell ſich verthoent in geſtaldt van einen groten Bock, dair duer die verſammelongh anſpreckt, ernſtlick alle vermaent ſich op hem thoe vertrouwen, und hoere toverije wacker int werck thoe ſtellen? Item ſich an hoere vianden thoe wreecken
20 Item off ſie niet dan alle thot den duyvell in forme van ein Bock geſtald als vurß[egd], moeten khomen, den ehren und anbeden, oich hem ſeine Cullen off hinderſt moeten kußen, und off ſie gefangen dat oick niet mit heft gedaen.
21 Item off niet dair nae den Bock verbrandt wurdt, thot pulver toe und jegliche etwes pulvers dair van bekhome und mit neme, und datſelve naederhandt mit in hoere toverpot doen, und tot der toverijen gebruicke. und off ſie gevangen oich mit geweſt ſeij op ſodanigen dantz, und oick eynich pulver oder aße van den verbrande Bock mit hefft bekhomen und mit ſich van dan gebracht.
22 Item woir ſie die pulver oder aße heft gelaten? und woer thoe ſie die hefft gebruyckt?
23 Item off ſie oick ein toverpot hatt, und woir die gegenwoirdigh thoe vinden ſeij? waer hoer die yrst thoe geſtaldt, oick thoe geruſtet hefft? und wat dair in ſeij?
24 Off ſie oick einige mynschen off beeſten dair mit heft betovert die dair mit kranck gemaickt, und omgebracht, wie voell derſelver ſein, und wie die geheten? oick woir die woenhafftigh?
25 Off ſie ſich oick ſelffs mit die materie in dye toverpott ſmere, om op der dantz plaetze thoe vlegen, und off die materie die hun niet en schaedt, andere luyden ſoldt schaeden? dan off ſie noch ein andere pott thot ſulcke ſaeck achter ſich hebben?
26 Item off ſie niet ſomwijlen mit verthoende waegens caren peerden bock, item beßemſteijlen ſich dair op ſettendt zum dantz gefuert werden, und of hoer gefangen dat oick ſoe niet wederfahren.
